Նորություններ

ԵՊԲՀ գլխավոր մասնաշենքում տեղակայված Ստոմատոլոգիական կրթության գերազանցության կենտրոնը, որն այսօր բացեց դռներն այցելուների առաջ եզակի է հանրապետությունում իր տեսակով և հնարավորություններով: Կենտրոնի բացման արարողությանը ներկա էին ոչ միայն բուհի պրոֆեսորադասախոսական կազմը, ապագա բժիշկներն, այլև այս օրերին համալսարանում ընթացող Ստոմատոլոգների Հայ-ամերիկյան առաջին վեհաժողովի մասնակիցները: 

Wege Prize-ը ամենամյա մրցույթը կազմակերպվում է ԱՄՆ-ի Միչիգան նահանգի Գրենդ Րեփիդս քաղաքում գտնվող Ֆերրիսի նահանգային համալսարանի (Kendall College of Art and Design, Ferris State University) կողմից: Վերջինիս նպատակն է միջազգային հարթակում բարձրացնել աշխարհում առկա արդի բնապահպանական խնդիրները և առաջարկել շահավետ բիզնես-լուծումներ շրջանային տնտեսության կոնցեպտում: Այս տարի մրցույթին CarpeJur թիմի կազմում մասնակցում էր նաև ԵՊԲՀ ընդհանուր բժշկության ֆակուլտետի 4-րդ կուրսի ուսանողուհի Նաթելլա Ղարիբյանը։ Միջբուհական թիմի կազմում ընդգրկված էին ուսանողներ Հայաստանի ամերիկյան, Հայաստանի ազգային ագրարային և Երևանի պետական բժշկական համալսարաններից։

Բրիտանահայ ականավոր վիրաբույժ, լապարասկոպիկ վիրաբուժության առաջամարտիկ, Միացյալ Թագավորության Լորդերի պալատի անդամ, Առողջապահական համաշխարհային նորարարությունների ինստիտուտի նախագահ, Մեծ Բրիտանիայի  առողջապահության նախկին նախարար Արա Դարզին հունիսի 8-ին կդասախոսի Երևանի պետական բժշկական համալսարանում (ԵՊԲՀ):

ԵՊԲՀ-ն մեկ հարկի տակ էր համախմբել աշխարհի տարբեր անկյուններից ժամանած մի քանի տասնյակ բժիշկ-մասնագետների: Ստոմատոլոգիայի ոլորտի առաջատարները, որոնց թվում էին նաև մեր հայրենակիցները Հայաստան են ժամանել Ստոմատոլոգների Հայ-ամերիկյան առաջին միջազգային վեհաժողովին մասնակցելու նպատակով, որն այսօր առավոտյան մեկնարկեց համալսարանի Կարմիր դահլիճում: Աշխարհի տարբեր անկյուններից ժամանած մասնագետները հայ գործընկերների հետ կքննարկեն  ստոմատոլոգիայի ոլորտի արդի խնդիրները, համատեղ կմշակեն դրանց լուծման բանաձևերը:

2017 թվականի նոյեմբերից Ավստրիայի Գրացի համալսարանի Բիոբանկի տնօրեն Կարինե Սարգսյանը նաև Երևանի Մխիթար Հերացու անվան պետական բժշկական համալսարանի բժշկական գենետիկայի ամբիոնի այցելու պրոֆեսոր է:

Երևանի Մխիթար Հերացու անվան պետական բժշկական համալսարանը Այովայի համալսարանի (ԱՄՆ), Բաբեշ Բոյայի (Ռումինիայի), Մոլդովայի Տեստեմիտյանուի անվան բժշկության և դեղագիտության պետական, Թբիլիսիի Իվանե Ջավախիշվիլիի անվան պետական համալսարանների հետ իրականացնում են խոշոր միջազգային ծրագիր «Increasing Capacity in Research in Eastern Europe, ICREATE» (Հետազոտական  ներուժի զարգացումը Արևելյան Եվրոպայում):

ԵՊԲՀ-ում էր ամերիկյան Johns Hopkins Medicine International ընկերության բժշկական տնօրեն Հեյթհամ Հասունը, ում հետ տեղի ունեցան մի շարք հանդիպումներ։ Քննարկվել են առողջապահության ոլորտում համագործակցության հեռանկարները ԱՄՆ առաջատար բժշկական կենտրոնի հետ, մասնավորապես խոսվել է որակի, նորարարությունների, գիտական և կրթական մի շարք նախագծերի իրականացման վերաբերյալ։ 

ԵՊԲՀ պրոռեկտոներն այսօր ընդունեցին Ստոմատոլոգների Հայ-ամերիկյան առաջին միջազգային վեհաժողովին մասնակցելու նպատակով աշխարհի տարբեր անկյուններից Երևան ժամանած անվանի բժիշկ-մասնագետներին: