Հայաստանի Հանրապետությունում Հնդկաստանի արտակարգ և լիազոր դեսպան Յոգեշվար Սանգվանն այսօր ԵՊԲՀ «Մուրացան» համալիրում էր՝ համալսարանական հիվանդանոցի քիմիաթերապիայի կլինիկային թալասեմիա հիվանդության բուժման համար անհրաժեշտ դեղեր նվիրաբերելու նպատակով:
16/03/2018«Ուղեղի ճանաչման շաբաթ» միջոցառման երկրորդ օրը, ԵՊԲՀ ուսանողները այցելեցին մայրաքաղաքի և մարզերի մի շարք դպրոցներ: Վանաձորի համար 5 դպրոցում և Գյումրու «Ֆոտոն» վարժարանում ուսանողներն աշակերտների հետ խոսեցին ուղեղի, դրա կառուցվածքի, մասերի և ֆունկցիաների մասին:
ՀՀ Ազգային ժողովի նախագահ Արա Բաբլոյանը մարտի 15-ին այցելել է «Հերացի» թիվ 1 հիվանդանոցային համալիրի մասնաշենքում՝ Երևանի առաջին քաղաքային հիվանդանոցում տեղակայված, վերջերս կառուցված Հայրենիքի պաշտպանի ժամանակակից վերականգնողական կենտրոն:
Հարգելի՛ գործընկերներ, տեղեկացնում ենք, որ ապրիլի 9-ից 12-ը Երևանի Մխիթար Հերացու անվան պետական բժշկական համալսարանի նիստերի դահլիճում տեղի կունենան կոնֆերանսներ, որոնց ընթացքում Գերմանիայի և Ավստրիայի համալսարանների 12 պրոֆեսոր հանդես կգան դասախոսություններով:
Այս տարի ևս նեյրոգիտության ասպարեզում համաշխարհային ճանաչում վայելող և ամենաազդեցիկ կազմակերպություններից մեկի` Եվրոպայի նեյրոգիտական ընկերությունների հիմնադրամի (FENS) կողմից հայտարարված «Ուղեղի ճանաչման շաբաթը» (Brain Awareness Week) Հայաստանում անցկացնելու և կազմակերպության միջոցառումների շարքում մեր երկիրը ներկայացնելու հնարավորությունն երկրորդ տարին անընդմեջ ստացել է Երևանի Մխիթար Հերացու անվան պետական բժշկական համալսարանի Ուսանողական գիտական ընկերությունը:
Երևանի Մխիթար Հերացու անվան պետական բժշկական համալսարանի հետ համագործակցությունը խորացնելու նպատակով ԵՊԲՀ-ում է Տաջիկստանի Աբուալի իբնի Սինոյի անվան պետական բժշկական համալսարանից ժամանած մասնագետների խումբը:
Սիրելի՛ կանայք և աղջիկներ, շնորհավորում եմ բոլորիդ գարնանային տոների առթիվ: Անգնահատելի է ձեր դերակատարությունը հայ ընտանիքի ամրության, կարևոր արժեքների հարատևության գործում:
Բուհի ղեկավարն այսօր ԵՊԲՀ նիստերի դահլիճում հանդիպեց 4-րդ, 5-րդ և 6-րդ կուրսերի ուսանողների հետ: Ինչպես երեկ, այնպես էլ այսօր պրոռեկտորների ու դեկանների մասնակցությամբ հրավիրված քննարկման հիմնական թեման ուսանողներին հետաքրքրող խնդիրներն էին և համալսարանի կողմից իրականացվող ծրագրերը:
Ուսումնական ու քննական գործընթացում առկա խնդիրների լուծմանն էր նվիրված ԵՊԲՀ ռեկտոր Արմեն Մուրադյանի այսօրվա հանդիպումը 1-ին, 2-րդ և 3-րդ կուրսերի ուսանողների հետ: Ապագա բժիշկներն ամփոփելով քննաշրջանի արդյունքները, բուհի ղեկավարին ներկայացրին տարաբնույթ առաջարկներ ու մտահոգություններ: