Նորություններ

Մայիսյան տոներին ընդառաջ Երևանի Մխիթար Հերացու անվան պետական բժշկական համալսարանի դասախոսներից և ուսանողներից բաղկացած պատվիրակությունը եռօրյա այցով Արցախում է:

Շվեդիայի Յոնշոփինգ քաղաքի տարածաշրջանային տնօրեն Ագնետա Ջանսմիրի գլխավորած պատվիրակության հետ այսօր ԵՊԲՀ-ում քննարկվել են երկկողմ համագործակցության հնարավորությունները:

ԵՊԲՀ-ի հրավերով եռօրյա այցով Երևանում գտնվող Հորդանանի արքայադուստր, Քաղցկեղի վերահսկման միջազգային միության (Union of International Cancer Control) նորընտիր նախագահ Դինա Մայրեդի բժշկական հաստատություններ այցելությունները վաղ առավոտից մեկնարկեցին «Մուրացան» հիվանդանոցային համալիրից:

Երևանի Մխիթար Հերացու անվան պետական բժշկական համալսարանի գիտական խորհրդի հերթական նիստը նվիրված էր բուհի կրթության հիմնահարցերին և լուծման ուղիներին:

ԵՊԲՀ-ում այսօր անցկացված կոնգրեսը մեկ հարկի տակ էր համախմբել քաղցկեղը հաղթահարած մարդկանց, ոլորտի մասնագետներին ու ապագա բժիշկներին: Կոնգրեսին Քաղցկեղի վերահսկման միջազգային միության նորընտիր նախագահ Դինա Մայրեդը, լինելով քաղցկեղը հաղթահարածի մայր, անդրադարձավ այս հիվանդության հիմնախնդիրներին և հանդես եկավ հատուկ՝ «Քաղցկեղը վարակիչ չէ, սերն է վարակիչ» զեկույցով:

Օտար լեզուների և Հայոց լեզվի ամբիոնների նախաձեռնությամբ անցկացվեց «Հայ-ռուսական գործնական և մշակութային կապերի պատմությունից» գիտագործնական ուսանողական համաժողովը, որը մեկ հարկի տակ էր համախմբել ուսանողներին և դասախոսներին:

ԵՊԲՀ-ում կրթություն ստացող 26 երկրի 1682 ուսանողից 92-ը Սիրիայից է, նրանցից 86-ը ազգությամբ հայ է:
ԵՊԲՀ ռեկտոր Արմեն Մուրադյանը և ՀՀ-ում Սիրիայի Արաբական Հանրապետության գործերի ժամանակավոր հավատարմատար Մ. Իսսամ Նայալն այսօր քննարկել են բժշկագիտության ոլորտում երկու երկրի համագործակցության ընդլայնման հնարավորությունները:

Մեր համալսարանի ավարտական կուրսերի ուսանողներն ու կլինիկական օրդինատորները, ինչպես նաև համալսարանական կլինիկաների ղեկավարներն այսօր մասնակցեցին «Մենեջմենթ Միքս» ընկերության գործադիր տնօրեն Րաֆֆի Սեմերջյանի դասախոսությանը, որը նվիրված էր առողջապահական հաստատությունների հավատարմագրմանը և որակի կառավարման համակարգերին: