Բժշկի ուղին

ԵՊԲՀ-ն հիշում ու գնահատում է իր նվիրյալներին, արժևորում նրանց կատարած տեսական ու գործնական աշխատանքը, տարիների վաստակը և փոխանցում նոր սերնդին՝ կոչումով բժշկի առաքելությունը շարունակելու, ավանդույթները պահպանելու հանձնառությամբ:

Լրացավ անվանի սրտաբան, ՀՀ ԳԱԱ ակադեմիկոս, պետական մրցանակի դափնեկիր, գիտության վաստակավոր գործիչ, բժշկական գիտությունների դոկտոր, պրոֆեսոր Ռաֆայել Պարույրի Ստամբոլցյանի 100-ամյակը (1922-2012թթ.): 

Մարտի 25-ը հայ վիրաբույժների մեծ համայնքի համար առանձնահատուկ օր է:  Այսօր է ծնվել անվանի վիրաբույժ, ԵՊԲՀ վիրաբուժության թիվ 3 ամբիոնի վարիչ Հովհաննես Սարուխանյանը: 

Բժշկական մեկդարյա բուհում ավագ սերնդին, բժշկագիտության նվիրյալներին մեծարելն ու գնահատելը սերնդեսերունդ փոխանցվող ավանդույթ է:

ԵՊԲՀ վարչական մասնաշենքում տեղակայված հասարակագիտական առարկաների ամբիոնով քայլելիս, եթե ֆրանսերենի հնչյուններ լսեք՝ դաշնամուրային նվագակցությամբ, ապա վստահ եղեք, որ ուսումնական հաստատությունում ստեղծագործական դադարի հեղինակը հասարակագիտական առարկաների ամբիոնի դոցենտ, ՅՈՒՆԵՍԿՕ-ի բիոէթիկայի ամբիոնի, «Հայֆա» հայկական մասնաճյուղի վարիչ Սուսաննա Դավթյանն է։

100-ամյա բուհի հարուստ պատմության էջերը պարբերաբար թարմանում են այն կերտողների` համալսարանի նահապետների հարուստ հիշողությունների շնորհիվ ու նորովի ներկայացվում լսարանին: «Բժշկի ուղին» շարքի 2022 թվականի առաջին թողարկումը նվիրվում է Բժշկական կենսաբանության ամբիոնի պրոֆեսոր Ազատ Ադիբեկի Ենգիբարյանին: Իր գործին ու բժշկական սերունդներ կրթելու առաքելությանը նվիրված համալսարանականը հունվարի 5-ին դառնում է 80 տարեկան:

Ընդհանուր բժշկության ֆակուլտետի դեկան, Նորմալ անատոմիայի ամբիոնի վարիչ, դոցենտ Կարինե Բարոյանի անցած ուղին ու կենսագրությունն անքակտելի կապված է բժշկական 100-ամյա դարբնոցի հետ: Նա մասնագետ է, դասախոս, կազմակերպիչ, համալսարանական, որին ճանաչում, սիրում ու հարգում են բոլորը՝ կայացած մասնագետների ու ապագա բժիշկների տարբեր սերունդները:

Բժշկական բուհում նվիրյալներին չեն մոռանում: Մարդիկ, բժիշկ-գիտնականներ, որոնք կարևոր ներդրում են ունեցել բժշկագիտության տարբեր ոլորտների զարգացման, սերունդների կրթման, լավագույն ավանդույթների պահպանման և տարածման գործում: