«Բուժական գործ զինված ուժերում» մասնագիտության կրթական ծրագիր

«Բուժական գործ զինված ուժերում» մասնագիտությամբ բազային կրթությունն իրականացվում է 6-ամյա անընդհատ և ինտեգրաց­ված կրթական ծրագրով: Սահմանված 12 կի­սամյակներից յուրաքանչյուր կիսամյակի ուսում­նա­կան ծանրաբեռնվածությունը 30 ECTS կրեդիտ է: Տա­րե­կան ծանրաբեռնվածությունը 60 ECTS կրեդիտ է, 1 կրեդիտը համարժեք է 30 ակադեմիական ժամի: Ուսում­նա­ռու­թյան ընթացքում կուրսանտներն ուսումնասիրում են ինչպես տեսական, այնպես էլ ռազմագիտական, մաս­նա­գի­տա­կան և հարակից կլինիկական առարկաներ: Ինտեգրացված ծրագրի ավարտին շրջա­նավարտը ստանում է «Բուժական գործ զինված ուժերում» մասնագիտությամբ բժշկի որակավորում:

Տեսական դասընթացների ուսուցման գործընթացն իրականացվում է համալսարանա­կան մաս­նա­շեն­քե­րում (կենսաքիմիական, վարչական, լաբորատոր, անատոմիա­կան), կլինիկական դաս­ըն­թաց­նե­րի ուսուց­ումը՝ համալսարանի սիմուլյացիոն կենտ­րոնում, համալսարանական հիվանդանոցային համալիրներում, պոլիկլինիկաներում, դրանց կից կլի­նի­կական ախտորոշիչ, ախտաբանական լաբորատորիաներում, ՀՀ ՊՆ կենտ­րոնական կլինիկական զինվորական հոսպիտալում և հանրապետության ու ՀՀ պաշտպանության նախարարության այլ բուժկան­խար­գելիչ հաստատություններում տեղակայված համալ­սա­րանական կլի­նի­կական բազաներում: Ուսուց­ման գործընթացն իրականացնում է ամբիոնների պրոֆեսորադասա­խո­սա­կան անձնակազմը: Կլինիկական ամբիոններում դասավանդող դասախոսները պրակտիկ բժիշկներ են:

Դասավանդվող դասընթացների ցանկն ըստ կուրսերի

«Բուժական գործ զինված ուժերում» մասնագիտության կրթական ծրագիրը և դրա առարկայական ծրագրե­րը կազմված են ՀՀ որակավորումների ազգային շրջանակի (ՈԱՇ-ի) և ՀՀ «Բժշկություն» ոլորտային որակավորումների շրջանակի (ՈՈՇ-ի) պահանջներին համապատասխան՝ հաշվի առնելով միջառարկայական հորիզոնական և ուղղահայաց ինտեգրացիայի սկզբունքը, ինչպես նաև կրթական ծրագրի ընդհանուր վերջնարդյունքները:

Բժշկի մասնագիտական գործունեության օբյեկտն առողջ կամ հիվանդ զինծառայողն է:

«Բուժական գործ զինված ուժերում» մասնագիտությամբ կրթական ծրագիրը նախատեսում է, որ այն յուրացնելուց հետո շրջանավարտը պետք է պատրաստ լինի իրականացնելու մասնագիտական հե­տև­յալ գործառույթները՝

• բուժկանխարգելիչ,
• ախտորոշիչ,
• բուժական,
• վերականգնողական,
• գիտահետազոտական,
• կրթադաստիարակչական,
• կազմակերպչական, կառավարման:

Բուժկանխարգելիչ, ախտորոշիչ և բուժական գործառույթներն ինքնուրույն իրականացնելու համար շրջանավարտը պետք է անցնի առնվազն մեկ տարվա հետդիպլոմային ուսուցում:

«Բուժական գործ զինված ուժերում» մասնագիտությամբ կրթական ծրագրի ընդհանուր վերջն­ար­դյունք­ներն են՝

1. մասնագիտության վերաբերյալ տեսական և գործնական խոր գիտելիքների ցուցաբերում,
2. հիվանդի առողջական վիճակի մասին տեղեկատվության հավաքում և վերլուծություն,
3. ախտորոշում, շտապ բուժօգնություն զինծառայողներին մինչհ­ոսպիտալային և հոսպիտալային օղակներում, անհետաձգելի վի­ճակ­ներում բուժօգ­նու­թյան նշանակում,
4. կլինիկական և համաճարակաբանական հետազոտությունների նշանակման ալգո­­րիթ­մի տի­րա­պետում, բուժման և կանխարգելիչ միջոցառումների նշանակում,
5. զինծառայողների առողջական վիճակի մասին ինֆորմացիայի հավաքում և վերլուծում, հի­վան­դու­թյունների կանխարգելման և առողջապահական միջոցառումների հիմնա­վորում,
6. ՀՀ զինված ուժերում բուժկանխարգելման օգնության և սանիտարահամաճարակային ծա­ռա­յու­թյան հաստատությունների և մարմինների կառավարման կազմա­կեր­պում,
7. դաստիարակչական և ռազմահայրենասիրական գործունեության իրականացում,
8. ուսումնական, գիտական, նոր­մա­տիվ և տեղեկագրական գրականությամբ, այլ աղբյուրներով ինքնուրույն աշխատելու հմտություն,
9. բժշկական խնդիրներով գիտահետազոտական աշխատանքների անցկացում:

«Բուժական գործ զինված ուժերում» մասնագիտության կրթական ծրագրով նախատեսված բոլոր դասըն­թացներն ուսումնառած, բոլոր քննություններն ու ստուգարքները հաջողությամբ հանձնած կուրսանտն անցում է ամփոփիչ ատեստավորում, որը  հնարավորութ­յուն է տալիս բացահայտելու ապագա ռազմական բժշկի ինչպես տեսական և գործնական պատրաս­տվածությունը կրթական ծրագրով սահմանված մասնագիտական խնդիրնե­րի բնագավառում, այնպես էլ շարունակելու կրթությունը ինտերնատուրայում, որից հետո` կլինիկական օրդինատուրայում և ասպիրանտուրայում (տեսական բժշկություն):

«Բուժական գործ զինված ուժերում» մասնագիտությամբ ինտեգրացված կրթական ծրագիրն իրա­կա­նաց­վում է ռազմաբժշկական ֆակուլտետի կողմից՝ պետի ղեկավարությամբ: