(+37410) 62 10 36, Ներքին՝ 361Պատմություն
Ինչպես ՌԲՖ-ում, այնպես էլ ՌԴՎ ամբիոնում ուսումնամեթոդական և գիտական աշխատանքները կազմակերպվում են համաձայն՝
- ՀՀ ԱԺ-ի կողմից հաստատված կրթության մասին օրենքի;
- ՀՀ ՊՆ նախարարի հրամանով հաստատված ԵՊԲՀի ՌԲՖ-ի կանոնագրքի;
- ԵՊԲՀ ռեկտորի և ՌԲՖ պետի համապատասխան հրամանների և ցուցումների:
ՌԴՎ ամբիոնի առջև խնդիր է դրված՝ պատրաստել բարձր գիտելիքներով և գործնական հմտություններով ՀՀ ԶՈՒ բուժծառայության բժիշկ սպաներ, որոնք ի վիճակի կլինեն մարտադաշտում կազմակերպել փուլային բուժօգնություն:
Ռազմադաշտային վիրաբուժությունը ուսումնասիրում է մարտական վնասվածքները, նրանց մորֆոլոգիական առանձնահատկությունները, բուժտարհանման տարբեր փուլերում ու տարբեր լարված իրավիճակներում:
ՌԴՎ ամբիոնը դասավանդումը իրականացնում է երեք լեզուներով՝ հայերեն, ռուսերեն, անգլերեն և դասավանդվում է ռազմադաշտային վիրաբուժություն, ռազմադաշտային դիմածնոտային վիրաբուժություն, անհետաձգելի վնասվածքաբանություն առարկաները:
Դասավանդման մեթոդները
Ցիկլային պարապմունքի ընթացքում առաջին մեկ ժամը տրամադրվում է դասախոսությանը, 4 ժամը հատկացվում է գործնական պարապմունքներին (քննարկվում են տարբեր լարված իրավիճակներում առաջարկվող տարբեր լուծումներ, ուսանողներին ցուցադրվում է գործնական հմտությունները, ամբիոնում ներ է դրվել գործնական հմտությունների գնահատման բաղադրիչ և յուրաքանչյուր ուսանող իրականացնում է գործնական հմտությունը ու գնահատվում): Ուսանողները կլինիկայում մասնակցում են նաև հրազենային վերքերով վիրավորների համայցներին և վիրակապություններին, առավել ակտիվ ուսանողները մասնակից են դառնում վիրակապությունների և վիրահատությունների գործընթացին:
ՌԲՖ կուրսանտների համար ՌԴՎ ամբիոնը մշակել է տարբեր իրավիճակներին տիրապետելու և այդ դժվարին պայմաններում բժշկական գործունեություն ծավալելու ու որոշումներ ընդունելու հատուկ դասավանդման արդյունավոտ մեթոդ:
ՈԴՎ ամբիոնում ՌԲՖ, ԸԲՖ և ստոմատալոգիական ֆակուլտետների ուսանողների ցիկլային պարապմունքը ավարտվում է համակարգչային թեստային քննությամբ, իսկ Արտասահմանյան ուսանողների ՌԴԴԾՎ և անհետաձգելի վնասվածքաբանություն առարկաները թեստային ստուգարքով:
Կլինիկական գործունեություն
- Յուրաքանչյուր երկուշաբթի կատարվում է վիրաբուժական բաժանմունքների վիրավորների և հիվանդների համայց։
- Մշտապես իրականացվել է խորհրդատվություններ և համատեղ քննարկումներ։
- Ամբիոնի դասախոսները ներգրավված են վիրաբուժական բաժանմունքների կլինիկական աշխատանքներում։
- Ամբիոնի անձնակազմը ակտիվ մասնակցություն է ունենում պատերազմների հետևանքով առաջացած վիրավորների բուժման աշխատանքներում։
Գիտահետազոտական աշխատանքներ
Բուժական աշխատանքներին զուգընթաց ամբիոնը զբաղվում է նաև գիտական գործունեությամբ: ՌԴՎ դասախոսական անձնակազմի կողմից և նրանց անմիջական ղեկավարությամբ մշակվում է 2 դոկտորական և 3 թեկնածուական թեզեր: Ներկայումս մշակվում է նոր տեխնոլոգիաների ներդրմամբ հրազենային վերքերի բուժման մեթոդ:
Պրոֆեսորադասախոսական կազմ
| Ազգանուն, անուն, հայրանուն | Ամբիոնում զբաղեցրած պաշտոն | Գիտական աստիճան | Գիտական կոչում |
| Շաբոյան Կամո Ռաֆիկի | Ամբիոնի պետ | բ.գ.թ. | – |
| Գալստյան Արտակ Սամվելի | ավ. դասախոս | բ.գ.թ. | – |
| Հովհաննիսյան Մարգարիտ Էդիկի | ավ. դասախոս | բ.գ.թ. | – |
| Դատումյան Գևորգ Սարգսի | դասախոս | բ.գ.թ. | |
| Բեգլարյան Արմեն Բորիսի | դասախոս | – | – |
| Մուրադյան Արման Աշոտի | դասախոս | – | – |
| Պետրոսյան Վահե Հովհաննեսի | դասախոս | – | – |
| Ղորխմազյան Համլետ Ալյոշայի | դասախոս | – | – |
| Զուրաբյան Արմեն Հարությունի | հրավիրված դասախոս | – | – |