Ֆթիզիատրիայի ամբիոն

Հիմնադրվել է 1967 թ.-ին:
Ամբիոնի վարիչ՝  ՀՀ վաստակավոր բժիշկ, բժշկական գիտությունների դոկտոր, պրոֆեսոր Մարինա Դմիտրիի Սաֆարյան:

Բժշկական ինստիտուտում տուբերկուլոզի դասավանդման սկիզբը դրվեց պրոֆեսոր Ռ.Մ. Գյանջեցյանի (1947 թ.), ապա 1950-ից` ֆակուլտետային թերապիայի ամբիոնում դոցենտ Թ.Մ. Բաբայանի և պրոֆ. Ե.Պ. Ստամբոլցյանի կողմից: 1967-ից կազմակերպվեց Երևանի պետական բժշկական ինստիտուտի տուբերկուլոզի ամբիոնը պրոֆ. Գառնիկ Գևորգի Կարապետյանի գլխավորությամբ: 1972-93 թթ.-ին ամբիոնը ղեկավարել է հայտնի ֆթիզիովիրաբույժ բ.գ.դ., պրոֆեսոր Էդուարդ Թադևոսի. Կարապետյանը: 1994-ից Երևանի Մ. Հերացու անվան պետական բժշկական համալսարանի ֆթիզիատրիայի ամբիոնը ղեկավարում է բ.գ.դ., պրոֆ. Մ.Դ. Սաֆարյանը:

Ամբիոնի վարիչ պրոֆ. Մ.Դ. Սաֆարյանը ԺԴ.00.03 “Ներքին հիվանդություններ” մասնագիտությամբ պաշտպանության խորհրդի, ՌԴ” Туберкулез и болезни легких” գիտապրակտիկ ամսագրի խմբագրային խորհրդի անդամ է:

«Ֆթիզիատրիա» առարկան դասավանդվում է ընդհանուր բժշկության (հայերեն, ռուսերեն, անգլերեն լեզուներով) և ռազմաբժշկական (հայերեն, ռուսերեն լեզուներով) ֆակուլտետների 5-րդ կուրսի ուսանողներին` 2 շաբաթ տևողությամբ ցիկլային պարապմունքների տեսքով «Բուժական գործ» անընդհատ և ինտեգրացված կրթական ծրագրի Վարակիչ հիվանդություններ-2՝ Մոդուլ-37-ի շրջանակներում: Ուսումնառության արդյունքների գնահատման համակարգը կազմված է քննական (ամփոփիչ) բաղադրիչից – 60%   և  գործնական բաղադրիչից – 40%    (առավելագույն 4 միավոր, որից 3 միավորը՝ վիրտուալ OSCE (Objective Structural Clinical Exams – Օբյեկտիվ կառուցվածքային կլինիկական քննություն) ձևաչափով:

Ստոմատոլոգիական ֆակուլտետի ուսանողները (հայերեն, ռուսերեն, անգլերեն լեզուներով) առարկան անցնում են 5-րդ կուրսում 1 շաբաթ տևողությամբ ցիկլային պարապմունքների տեսքով, գիտելիքների գնահատումը կատարվում է ստուգարքի ձևով: Ամբիոնում ուսուցում են ստանում նաև քոլեջի 4-րդ կուրսի ուսանողները 1 շաբաթ տևողությամբ ցիկլային պարապմունքների տեսքով, ատեստավորումը կատարվում է ստուգարքի ձևով (գնահատականով):

Ուսումնառության ընթացքում ուսանողները դասախոսությունների, գործնական պարապմունքների, տարատեսակ իրավիճակային խնդիրների, կլինիկական դեպքերի (CASE-երի)՝ հիվանդասենյակներում և համակարգչային ռեժիմով, քննարկման և վերլուծման շնորհիվ ստանում են ֆթիզիատրիայի ուսումնական ծրագրի շրջանակներում տեսական գիտելիքներ, ձեռք են բերում հիվանդների հետազոտման, օբյեկտիվ տվյալների ստացման, հիվանդության պատմագրերի վերլուծության և հիվանդության ախտորոշման գործում անհրաժեշտ գործնական հմտություններ:

Ամբիոնի կողմից հրատարակվել են 20-ից ավելի ուսումնական և ուսումնամեթոդական ձեռնարկներ` հայերեն, ռուսերեն, անգլերեն լեզուներով:

2023թ. ԵՊԲՀ-ում տպագրվել է «Ֆթիզիատրիա» դասագիրքը՝ պրոֆ. Մ.Դ. Սաֆարյանի խմբագրությամբ (հեղինակներ. պրոֆ. Մ.Դ. Սաֆարյան, դոց. Ա.Պ. Գևորգյան, դասախոսներ՝ Լ.Գ. Գևորգյանի և Տ.Կ. Օլեյան) հայերեն լեզվով:

Ամբիոնում հետդիպլոմային ուսուցումը կլինիկական օրդինատուրայում ֆթիզիատրիա մասնագիտությամբ 2026 թ.-ից դադարեցվել է՝ համաձայն ՀՀ ԱՆ հիմնական և նեղ մասնագիտությունների նոր ցանկի:

Ամբիոնում կազմակերպվում են ՀՀ ԱՆ կողմից լիցենզավորված ֆթիզիատրիայի կատարելագործման դասընթացներ բժիշկների և բուժ.քույրերի համար՝ համապատասխան հավաստագրերի և ՇՄԶ կրեդիտների շնորհմամբ:

Ամբիոնում կատարվում են գիտահետազոտական աշխատանքներ: Վերջին տարիներին ամբիոնը աշխատել է հետևյալ գիտական թեմաների շուրջ.

• «Տուբերկուլոզը հոգեկան հիվանդների շրջանում» 2018-2020 թթ.:
• «Արտաթոքային տուբերկուլոզի ախտորոշման և բուժման առանձնահատկությունները ՄԻԱՎ վարակի ֆոնին» 2021-2025 թթ.:
• «Դեղակայուն տուբերկուլոզի բուժման եղանակները և արդյունավետության գնահատումը» 2026-2028 թթ.:

Դոցենտ Օ. Լ. Սոցկայայի-ի գլխավորությամբ՝ ամբիոնում անցկացվում են գիտական աշխատանքներ՝ նվիրված ֆթիզիագինեկոլոգիային առչնվող հարցերին:

Մի շարք գիտական աշխատանքներ հրապարակված են գիտական ամսագրերում, որոնք ունեն միջազգային վարկանիշ (Scopus, Web of Science, platform-RSCI):

Ամբիոնի վարիչ պրոֆ. Մ.Դ. Սաֆարյանի ղեկավարությամբ պաշտպանվել է 6 թեկնածուական ատենախոսություն: 14.07.2025թ-ից պրոֆ. Մ.Դ. Սաֆարյանի ղեկավարությամբ՝ ամբիոնի դասախոս Տ.Կ. Օլեյանը կատարում է աշխատանք «Արտաթոքային տուբերկուլոզի և ՄԻԱՎ վարակի զուգորդման դեպքում՝ կլինիկական ընթացքի, ախտորոշման և բուժման առանձնահատկությունները» թեկնածուական ատենախոսության թեմայով:

Ամբիոնի աշխատակիցները մասնակցում են միջազգային համաժողովներին հիմնականում առցանց ձևաչափով, ստանում համապատասխան հավաստագրեր և կրեդիտներ:

Ամբիոնը տեղակայված է «Ինֆեկցիոն հիվանդությունների ազգային կենտրոն» ՓԲԸ «Թոքաբանության ազգային կլինիկա» -ի տարածքում /ք.Աբովյան/:

Հասցե՝ ՀՀ, ք. Աբովյան, 8510, Արզնի խճուղի. 10, «Ինֆեկցիոն հիվանդությունների ազգային կենտրոն» , «Թոքաբանության ազգային կլինիկա»,  ֆթիզիատրիայի ամբիոն

Հեռ./Ֆաքս՝ +37455646713

Էլ. փոստ՝ tbdepart@mail.ru