Հյուսվածաբանության ամբիոն

Ամբիոնը հիմնադրվել է 1922թ., և առաջին վարիչը եղել է Գ.Ս. Հայրապետյանը (1922-1924թթ.), որը տեղափոխվել է Լենինգրադ: Սակայն ամբիոնի իրական հիմնադիր կարելի է համարել Հ.Գ. Չախմախչյանին (1924-1952թթ.), որը երկու անգամ գործուղվել է Գերմանիա և կահավորել է ամբիոնը անհրաժեշտ սարքավորումներով: Հ.Գ. Եփրեմյանից (1952-1970թթ.) և Կ.Հ. Կարապետյանից (1971-1976թթ.) հետո, 28 տարի ամբիոնը ղեկավարել է բ.գ.դ. պրոֆ. Ա.Վ. Ազնաուրյանը (1976-2008թթ.), ով մեծ ներդրում է ունեցել ամբիոնի կայացման մեջ: Այդ ընթացքում ամբիոնը արդյունավետ աճ է ունեցել ինչպես գիտական, այնպես էլ ուսումնական գործընթացների ոլորտում: Ամբիոնը վերցրել է նոր գիտական ուղղվածություն, նվիրված երկարատև ճնշման համախտանիշին: Պրոֆ. Ա.Վ. Ազնաուրյանի ղեկավարությամբ պաշտպանվել են 33 թեկնածուական և 7 դոկտորական ատենախոսություններ: 2008-2011թթ. ամբիոնը միավորվել է Նորմալ անատոմիայի և կլինիկական անատոմիայի ամբիոնների հետ, վերանվանվել է մորֆոլոգիայի ամբիոն, որը  ղեկավարել է բ.գ.դ., պրոֆ. Գ.Պ. Քյալյանը: 2011թ ամբիոնը տարանջատվել է և 2012թ.-ից առ այսօր այն ղեկավարում է կ.գ.դ., պրոֆ. Կ.Թ. Սահակյանը:

Հյուսվածաբանություն առարկան դասավանդվում է ընդհանուր բժշկության և ռազմաբժշկական ֆակուլտետների 1-ին կուրսի 2-րդ կիսամյակի և 2-րդ կուրսի 1-ին կիսամյակի ընթացքում: Ստոմատոլոգիական ֆակուլտետում առարկան դասավանդվում է 1-ին կուրսի 1-ին և 2-րդ կիսամյակներում: 2025-2026 ուստարվանից առարկան դասավանդվում է մոդուլային համակարգով: Մոդուլային ծրագրի շրջանակներում կիրառվում են ժամանակակից մեթոդաբանական գործիքներ, ինչպիսին է  շուռ տված դասասենյակ կամ Flipped classroom:

Ուսումնական պգործընթացը պատշաճ կազմակերպելու նպատակով ամբիոնում առկա են 9 դասասենյակներ, որոնք համալրված են ժամանակակից մանրադիտակներով, հյուսվածաբանական պատրաստուկներով, պաստառներով: