Ներքին հիվանդությունների պրոպեդևտիկա

Ամբիոնը ստեղծվել է 2016թ.-ի հունիսին՝ վերակառուցելով թերապիայի թիվ 2 ամբիոնն իր աշխատակազմով և նյութական բազայով(տեխնիկական, տնտեսական, կլինիկական): Կարելի է համարել, որ ամբիոնի պատմությունը սկիզբ է առնում թերապիա թիվ 1 ամբիոնից և հասնում Երևանի պետական բժշկական համալսարանի հիմնադրման ակունքները:

Թերապիա թիվ 1 ամբիոնում աշխատել են մի շարք անվանի մասնագետներ՝ Մնացականով Տիգրան Սերգեյի, բ.գ.դ., պրոֆեսոր(1899-1968թթ.), Վարդապետյան Պերճ Արիստակեսի, բ.գ.դ., պրոֆեսոր(1914-1978թթ.), Այվազյան Արտյոմ Ալեքսանդրի, բ.գ.դ., պրոֆեսոր(1924-1993թթ.), Մամիկոնյան Ռաֆայել Սամվելի, Հայկական ԽՍՀ գիտության վաստակավոր գործիչ, բ.գ.դ., պրոֆեսոր(1927-1995թթ.):
1968-1995թթ.-ին ամբիոնը ղեկավարել է պրոֆեսոր Ռ. Ս. Մամիկոնյանը, 1995-1997թթ.-ին՝ պրոֆեսոր Գ. Ա. Եգանյանը, 1997-2008թթ-ին՝ պրոֆեսոր Է. Ե. Նազարեթյանը, 2008-2011թթ.-ին թերապիա թիվ 1 ամբիոնը՝ պրոֆեսոր Հ. Ս. Սիսակյանը, թիվ 2 ամբիոնը՝ բ.գ.դ. Ա. Ա. Այվազյանը, 2011-2016թթ.-ին թերապիա թիվ 2 ամբիոնը ղեկավարել է բժշկական գիտությունների դոկտոր Զ. Տ. Ջնդոյանը:

Համալսարանում ծավալած ուսումնագիտական գործունեությունից և հանրապետության առողջապահության ոլորտում ունեցած ավանդից զատ, նրանք բազմաթիվ կադրեր՝ բժշկական գիտությունների թեկնածուներ և դոկտորներ են պատրաստել:

Ամբիոնում կազմակերպվում են պարապմունքներ`

• 3-րդ կուրսի ընդհանուր բժշկության, ռազմաբժշկական և ստոմոտոլոգիական ֆակուլտետների,
• 4-րդ կուրսի ստոմատոլոգիական ֆակուլտետի տեղացի ու արտասահմանցի ուսանողների
• ԵՊԲՀ քոլեջի 3-րդ և 4-րդ կուրսերի ուսանողների համար:
• Ամբիոնը կազմակերպում է  նաև հետբուհական ուսուցում «Ներքին բժշկություն», «Գաստրոէնտերոլոգիա», «Թոքաբանություն»  մասնագիտություններով:

Ամբիոնի աշխատակիցների կողմից ուսանողների համար պատրաստվել և տպագրվել են մի շարք դասագրքեր և ուսումնական ձեռնարկներ, ինչպես նաև կազմվել են էլեկտրոնային նորագույն նյութեր և սլայդներ: Դասապրոցեսի ընթացքում ուսանողների համար կազմակերպվում են տվյալ բազայում ստացիոնար բուժում ստացող հիվանդների զննում, կլինիկական դեպքերի քննարկումներ: Ընդհանուր բժշկության ֆակուլտետի 3-րդ կուրսի ուսանողների համար  կազմակերպվում են  գործնական պարապմունքներ գործնական հմտությունների սիմուլյացիոն կենտրոնում:

«Միքայելյան» համալսարանական հիվանդանոցի Թերապիայի կլինիկան հիմնադրվել է 2018թ.-ին: 2018թ.-ից առ այսօր թերապիայի կլինիկայի ղեկավարն է բ.գ.դ., պրոֆեսոր Զինաիդա Տիտալի Ջնդոյանը:

Այն հանդիսանում է ԵՊԲՀ «Ներքին հիվանդությունների պրոպեդևտիկա», «Ներքին հիվանդությունների(պուլմոնոլոգիա և նեֆրոլոգիա)»,  «Ներքին հիվանդությունների(ռևմատոլոգիա)»  ամբիոնների ուսումնական բազա ուսանողների, կլինիկական օրդինատորների և վերապատրաստվող բժիշկների համար:

Կլինիկայի բժիշկները զբաղվում են գիտական գործունեությամբ, պարբերաբար անցնում են  վերապատրաստումներ, մասնակցում են սեմինարների և կոնֆերանսների Հայաստանում և արտերկրում, կիրառում են հիվանդությունների ախտորոշման և բուժման ժամանակակից մեթոդներ:

Գիտական ծրագրերն իրականացվում են ամբիոնի կլինիկական բազաների, համալսարանի Կենտրոնական գիտահետազոտական լաբորատորիայի և մի շարք ամբիոնների հետ համատեղ: Ծրագրերը նվիրված են հետևյալ թեմաներին՝

• Պարբերական հիվանդություն և նրա բարդությունների վաղ ախտորոշման, բուժման և կանխարգելման նոր մեթոդների մշակումը¦,
• COVID-19 և նրա բարդությունների վաղ ախտորոշման և բուժման  մեթոդների մշակումը: